「相機先食」app　點解有助減肥？

大家同朋友出街會唔會受「相機先食」問題困擾？又或者你本身就鍾意「相機先食」呢？大家通常都 po 相上 Facebook 或者 Instagram， Google 就為「相機先食」加多一個計卡路里的功能。

減肥時不少人會透過計算卡路里方法控制飲食，坊間都有不少 app 提供卡路里表，幫大家記錄一日吃了幾多卡路里，但可能查完又要自己 mark ，甚或資料未必齊全。

Google 新 app 就好方便，直接將計卡路里功能加在好多人已經在做的事：影低食物再 share 出去。

影像處理分析食物

上星期 Google 透露會開發名叫 Im2Calories 新 App，可以透過影像處理技術去識別食物，並透過分析像素去知道食物大細，從而推測相中食物有幾多卡路里。卡路里資料會參考公開的食物標籤。

雖然一開始 Im2Calories 未必可以 100% 準確 tag 到食物，但 Google 就話，隨著時間及愈來愈多人用，就會越準。因為這是一個人工智能且可以學習的工具。認錯食物的時候，用家可以手動改返個 tag， Im2Calories 就會記住。

Google 已申請專利，但 Im2Calories 技術仍在研究及開發，暫未有實際產品，亦沒資料何時正式面世。不久將來，一眾女士又多個理由堅持「相機食先」了。

原文刊於：ezone.hk